Asociación
Europea para diagnósticos, intervencións e resultados
de enfermería comúns en Europa.
ACENDIO
(Asociación Europea para diagnósticos, intervencións
e resultados de Enfermería), é unha organización
creada en 1995 para promover o desenvolvemento dunha linguaxe profesional
enfermeira e proporcionar unha rede a través de Europa para as
enfermeiras interesadas no desenvolvemento dunha linguaxe común
que describa a práctica enfermeira.
As enfermeiras
de toda Europa necesitan poder compartir e comparar información
acerca da súa práctica, para investigar e mellorar os
coidados, xestionar os recursos enfermeiros eficazmente e asegurarse
de que a enfermería é visible nas políticas locais,
nacionais e europeas.
Para acadar
este obxectivo, necesitan poder expresar na súa propia linguaxe
que é o que fan para os seus pacientes e clientes, o porqué
e con que resultados. Ademáis necesitan poder compartir e comparar
a súa forma de expresarse coa doutros enfermeiros a través
dunha terminoloxía estandarizada e común que asegure que
o que se está a comparar é o mesmo. A linguaxe profesional
de enfermería debe de captar o amplo abano e variedade de coidados
individualizados, holísticos. O desenvolvemento desta linguaxe
non implica estandarizar os coidados, senón que se trata de chegar
a estándares na forma de expresar o que é a enfermería.
As enfermeiras nalgúns países europeos están a
desenvolver terminoloxías que cubran as necesidades no seu pais
dunha linguaxe enfermeira. Outras adaptaron ou traduciron terminoloxías
e clasificacións desenvolvidas noutros países ou por parte
doutras disciplinas, pero non existe unha coordinación global
entre os distintos países respecto a estes desenrolos.
As clasificacións
internacionais teñen un potencial para enfermería: algunhas
enfermeiras en certos países están a utilizar o ICF. O
Consello Internacional de Enfermería empezou a desenrolar o CIPE
( Clasificación Internacional para a práctica de Enfermería).
ACENDIO,
apoia este proceso proporcionando:
- Conferencias,
publicacións e presentacións que fomenten a comprensión
e o traballo nesta área.
Unha rede de traballo para enfermeiras en distintos países
europeos para que podan compartir coñecementos acerca do desenrolo
existente en cada pais.
- Recursos
tales como listas de referencia e metodoloxías para o desenrolo
e avaliación do vocabulario enfermeiro.
- Interpretación
de estándares internacionais para as metodoloxías e
clasificacións.
Copyright ACENDIO 2006-2008 Updated:
03/02/2008