Ongi etorria ACENDIO web gunera

Erizaintzaren Diagnosi, Jarduera eta Emaitzetarako Europako Elkartea

ACENDIO (Erizaintzaren Diagnosi, Jarduera eta Emaitzetarako Europako Elkartea) 1995ean sortu zen erakundea da, erizaintzaren hiztegi profesionalaren garapena bultzatzeko asmoz. Elkarte horrek sare bat sortu nahi du Europan zehar, erizaintzaren lana deskribatzen duen hizkuntza komuna garatu nahi duten erizainei zuzenduta.

Europako erizain guztiek beren lanari buruzko informazioa elkarri trukatu eta erkatzea beharrezkoa dute, zaintzak ikertu eta hobetzeko, dituzten baliabideak ongi kudeatzeko eta, politikako maila guztietan - herri, nazional eta Europakoetan-, erizaintza aintzakotzat hartzen dutela ziurtatzeko.

Helburu hori lortu ahal izateko beharrezkoa dute azaltzea gaixo eta bezeroekin, zer egiten duten, zergatik eta zein emaitza izaten duten, beren hizkuntza propioa erabiliz. Horretaz gainera, erizainek duten azaltzeko era beste lankideekin konpartitu eta erkatzea beharrezkoa dute, terminologia estandarra eta berbera erabiliz, konparatzen dutena gauza bera dela baieztatzeko. Erizaintzaren hizkuntza profesionalak banakako zaintzen aukera handia hartu behar du. Hizkuntza hori garatzeak ez du esan nahi zaintzak estandarizatzea, baizik eta erizaintza zer den azaltzeko era estandarizatzea. Europako zenbait herritan, erizainak hizkuntza profesional berbera erabiltzeko beharrari erantzuna ematen dion terminologia garatzen ari dira. Beste batzuek, berriz, hainbat herrik edo diziplinak garatu dituzten sailkapenak eta terminologiak egokitu edo itzuli dituzte, baina, garapen horiei dagokienez, ez dago koordinazio globalarik herri ezberdinen artean.

Nazioarteko sailkapenek badute potentzial bat erizaintzarako: Herri batzuetako zenbait erizain ICIDH erabiltzen ari dira. Erizaintzaren Nazioarteko Kontseilua (ENK) EPNSa
(Erizaintzaren Praktikarako Nazioarteko Sailkapena) hasi da garatzen.

 

ACENDIOk prozesu hori laguntzen du, hurrengoak burutuz:·

• Hitzaldiak, argitalpenak eta aurkezpenak, esparru honetako lana eta ulermena areagotzeko.
• Erizainentzako lan sare bat, Europako herri ezberdinetan, herri bakoitzean dagoen garapenari buruzko ezagutza elkarri truka diezaioten.
• Horrelako baliabideak: erreferentzia zerrendak eta erizainen hiztegi profesionala garatu eta ebaluatzeko metodologia.
• Metodologia eta sailkapenetarako nazioarteko estandarren interpretazioa.